कर्म के फल मुअलो ना ओराई

रोइ के गुहार जनि करी ए भाई
कर्म के फल मुअलो ना ओराई।।
सब उनकर पुत सपुत कपुतो हवें
टुअर अनाथ अधर्मी लरपुतो हवें
सुघर जिनीगीया इहें सोची बिताई
कर्म के फल मुअलो ना ओराई।।
उनके चरल रामायण महाभारत
उनके शरण में नर नारी ॠषि नारद
का करेम रउआ उनका से अगुताई
कर्म के फल मुअलो ना ओराई।।
आज नादान कल चलाक होई जाइम
लुटल करम देखी कभो चिहाइम
साँच के राह पे जनी चली हिचकाई
कर्म के फल मुअलो ना ओराई।।
पागल लोग मरमो ना जानी राउर
निक बात ओहके लागी बाउर
लोग हसीं आपने खिल्ली उड़ाई
कर्म के फल मुअलो ना ओराई।।
जाए के घरीया रोइहे पगलवा
लगिहें उनके निकसें परनणवा
बाकी याद करी लोग दिहें दुहाई
कर्म के फलवा मुअलो ना ओराई।।
पइसा कौड़ी जग मे सभें कमाए
दु पइसन के खातिर नाम गवाए
बहुत होई दुर्गति होई जग हसाई
कर्म के फलवा मुअलो ना ओराई ।।

दुसरका ह....सुनि सभे

बरा रे बेदर्दी निरदइ बेदरद ह जमाना
लुट गइल,"कबहु ना मिलेला खजाना
रहे लटकल मुहवा," तरसे तरपावेला
देखि हलतिया परदेश,"मुह बिचुकावेला..!
चान सुरजवा इहउ," देखि उहे त बाटें
लोभी तन कें," रुपीया रियाल देहिया चाटें..
ना भावे कुछहु रें,"लोग के बोली बचनिया
आव आव लउट," फेरु तरेगना चंदनिया...!!

#भोजपुरी

पुरनियां

बहुत पुरान होला के मतलब पुरनिया, इ उमर के उ पड़ाव ह जहाँ सें बचपन उल्टा गिनती शुरु करेला, जइसे जइसे लोग पुरनिया होत जालें हरकत लइकाई वाला करें लागेलें जा..
  हमनी के समाज में उनकर उपहास बहुते अजीब तरहा से उड़ावे ले लोग, खास करकें उनके बेटा पोता चाहें चलाक दुसरो लोग, जे भुल जाले की ....

हमरो जिनगी मे इ दिनवा एक दिन आई,
तब राउरो बेटा पोता करीहें एहके भरपाई,
ना टुटी ना रोटी,बांध ना पाईम आपन लंगोटी,
पलंग छिनाई मिल जाई फाटल गेनरा चटाई..
जांगर देह सुखी झुली लाठी के सहारें
नोचें वाला चिल्होर दुनियाँ में बहुते बारें
झिझिरी खेलतें रही जाईम नदिया बिचे
अबही उमर बहुतें,उबलाई जन बइठी किनारें..
   

आजुओ हम गरीब बानी

काहे ला करी तहसें निस्तानी
अमिरवन संघे जंग जुबानी
जानत बानी हार जाईम
चली नाही हमार मनमानी,
ॠगार के भुखाईल शरीर बानी
आजुओ हम गरीब बानी !!
केतना दीन रहबु तु घघाईल
चुपचाप देखम तहार अगराईल
रोजी रोटी करम के लेखा
सब गुण रहते करी अनदेखा
पुरनकी मुरचाईल जंजीर बानी
आजुओ हम गरीब बानी !!
जिनगी बसवारी खानी ह
लोग कहेले इ चलानी ह
ठंडी में उहें कुदारी चलावस
ना उखड़ला पर कहस उहें
इ बसवारी खानदानी ह,
सिजन मे हम खरीफ बानी
आजुओ हम गरीब बानी !!
छाती प मुँग दरात बावे
इ दरद उनकर कराह बावे
दमरी फेकी नाच नचावें
इ दरदो उनका खुबे भावें,
दहार में पवरत अधीर बानी
आजुओ हम गरीब बानी !!

ओझाई के कमाई

        -: ओझाई के कमाई :-
     नीम के पेड़ जउना के जड़ी चउतरा से घेरा गइल रहे, गाँव के लोग चंदा करकें माई के स्थान बनवलें जहाँ सुक सोमार के गाँव के औरत लोग पुजा पाठ करे पहुचली, जउना के समय छौ बजे सें लेके नो दस बजे ले होला, औकरा बाद शुरु होला झार फुक के रोजी रोटी के जुगार, जेहके हमनी के गवइ भाषा में ओझाई कहीलें, उजरका धोती पहिरलें पंडीत जी नहा धोआ के तैयार हो जालें दस बजे से पहिलें,
    अब आई चलल जाव उनकर कमाई के तरफ, आज के पंडीत जी के बारें मे बतावे से पहिले बता दी उनका ओझाई उनकर बाबुजी से विरासत में मिलल रहल, ओहसे पहिले पान के गुमटी छोटका बजार पर रहें जेहसें उनकर परीवार चलत रहे, बाबुजी के गुजरला पर उनकर कास्टमर नयकु के मिल गइल, धीरे धीरे बजार छोड़ उ घरही सेट हो गइलें, उनका से हमार बहुत नजदिकी होए के कारण उनकर रग रग पहचानत रहनी, सोरह आना मे बारह आना मरीज के अंग्रेजी आ हेमियो पैथी से ठिक करेले, चार आना मरीज के जुुगार तरीका अपना कें, कपार बथे के बहाने हम केतना बार आपन कपार दबवा लेहले बानी उनका सें..
    पहीले सुक सोमार के बीस पच्चीस लोग के आसपास जुटत रहें जउन एह घड़ी बढ़ के चार सौ पाँच सौ हो गइल, भीड़ बढे के कारण के बात करी त रउआ अचकचा जाइम बाकी साँच ह, बात आज से सात साल पहिले के बा उनकर रिश्तेदार (हित)आरा जीला के हवे जे दिल्ली के मुख्यमंत्री शिला दिक्छित के बोडीगार्ड बारें, जे इनका बारे मे बढा चढ़ा के परोस दिहलें, फिर का रहल बाबा खातिर फ्लाईट के अपडाउन टिकट कट गइल, एक दु बार ना बाबा दसो बार गइले उहाँ आ भारी कमाई कर के लउटलें, इहा तक की हारे ओ गइला पर पहुच गइले उहाँ..
   शिला के पास गइला के बाद उनकर कस्मर में भाड़ी बढोतरी भइल, लोग भी बाबा के चमत्कार से हप्फ रहे, इहे रहे भीड़ बढ़े के मुल कारण, आज भी हम गाँवे जाइला त रोजे पचरा उनका मुहें सुनेला मिलेला, टाइम बदलाव भइल अब सुक सोमार ना, पुरा हफ्ता सुबेरे ६ से १२ बजे तकलें बाबा के ओझाई चलेला, मोबाइल डबल सिम के माइक्रोमेक्स जउना मे भरत व्यास के पचरा,
--धोवत धोवत तोहरी मंदीरवा हथवा खिअइले हो अरे तबो काहे नाही मइया दया तोहरा अइले हो...
   आज तक उनका कमाई पर नजर डालम त pmch डाक्टर के कमाई सें उपर बहुच जाई, तीन कित्ता जमीन के साथे दुतल्ला मकान हमार गाँव मे दुरे से पहचान मे आ जाला, दस गाँव दुरे रहम त उनकर नाम के चर्चा सुने ला मिल जाई..."
     बाबा के ओझाई  से उनकर घर ही ना परोस भी खुश रहेला, काहेकी लड्डु पेरा के चढावा एतना आवेला की ओकर खपत पास परोस मे करे परेला, सिक्का अठ्न्नी चवन्नी के जमाना के ओझाई हजारी के बजारी मे पहुच गइल बा,हम उंगली ना उठा सकिले काहे की पेरवा हमहु खइले बानी....
    बबलु शर्मा....
   

डरेरा हमरा मे परेला

कउनो गाँव एहसें बचल ना बा,  हमनी के बहुत लोग कें जिनगी सें जुरल बा, चाहे हमार होए चाहें गाँव कें कउनो परीवार कें, सुपरा साफ कर देवेला ई जमीन के डरेरा.....रोटी प निमक तेल लगावे पर मजबुर करेला ई डरेरा, खुरपी के काटल झुर होई चाहें ईटा कउनो मजबुत, सबकें उखाड़ फेकेला इ डरेरा के झमेला, आई इनकर महान काज के कुछ बखान करे के कोशीस करल जाव,उम्मीद ह हर गाँव के लोग के नीक लागी...
  
      पुरनका बाबाआन पर कान कटावें ला लंगोट कसलें रहेलन, एगो बात अपना खिलाफ ना सुन सकेलन,सुबेरे सुबेरे लोटा के साथें खुरपी उठाँ के चल देवेलन चवरा, ओनही सुबेर के क्रिया करम करकें खेत घुमें खातीर निकल गइलें,खुरपी साथ मे रहे उनका जउना सें आपन पारी खातीर धास भुसा कें जुगार करलेहलें,साथें साथ आपन खेत भी देखे खातीर ओह ओरी के रुख कर देहलें, पास पहुचला पर देखलें पिछलका साल अमीन साहब जे झुर गरवइलें रहें दुसरका तरफ सें उखाड़ दिहल गइल बा,बाबा के बल्ड प्रेशर हाई,, तुरन्ते खुरपी निकाल कें दुसर तरफ दु हाथ बढ़ा के गार दिहलें, आ बिना केहु से कुछ कहलें चुपचाप धास के मोटा लेके अपना घरें पहुच गइलें....
   
       उपदर त तब शुरु भइल जब दुसर पार्टी खेत धुमे पहुचल, देख के सीधा बाबा के दुआर पर चढ़ाई कर देहलक, दुनो लोग के शांत कइलक गाँव के कुछ समझदार लोग,जेहसे ओह वक्त शांत हो गइल,
   फेर उहें बात के लेके भइल जोड़दार धमाका कब? जब जोतनी के टाइम आईल तब, तब जानदार मुकाबला भइल लागें गाँव मे उहे दु जानी बरले बारें, बात बिगरत बिगरत थाना में पहुच गइलें, जउना के नतीजा केस भईल बाबा के नामें, जउना मे कपार फोड़ के इल्जाम लागल,बाबा के इहो आरोप रहें की उ जान से मारे के कोशिश कइलें हमरा कें....
    अब दुनो जानी के जमीन के बखान कर देवत बानी, बाबा के खेत सावा कट्ठा(एक कट्ठा पाँच धुर) लम्मा जमीन रहें,कीमत ओकर 12000 रुपया, ठिक उनकर सामनें के जमीन चार कट्ठा 40000 के आस पास जमीन के कीमत उनकरो रहें, ई कीमत ह 1995 के आसपास कें, जेह खातीर पिछलका साल लें केस लड़त रहलें दुनो पार्टी, हर तीन महीना बात तारीख जउना के फीस 1000 कें पत्ता देवे परत रहें दुनो पार्टी कें, शुरुआत मे 500 के हिसाब से चलल 7 साल के लगभग ओकरा बाद 1000 के हिसाब चले लागल, चलें लागल कहल विश्वासघात होई, इ कही की दउरे लागल.....
   बाबा धन लुटाईल -60000 के आसपास
   दुसर पार्टी के लुटाईल -60000 के आसपास
फायदा मे के बा समझ सें परे बा, 12000 के जमीन के झुर डरेरा खातीर एतना बखेरा,जउना से दुनो पक्ष के लोग परेशान भइलें, हम इ हिसाब बाबा के समझउनी बहुत प्यार सें ताकी उनका बुरा ना लागें,हम कहनी अगर डरेरा कें एतना फीकीर रहें त रउआ सरकारी अमीन बोला कें बलाबंदी करवाली,तीन फुट के पिलर गाँड दिहीत जउना कें सरकार खुद जिम्मेदार रहीत, जेतना पइसा बर्बाद भइल राउर केस फौदारी में ओतना में पाँच कट्ठा आउर खरीदा जाइत..
       बाबा के कहनी साँच बताई...?
डरेरा भला केहु मे परेला?
डरेरा त बनउला से बनेला
बस प्यार मुहब्त के खुरपी सेे
एहपें माटी चढढला से चलेला
डरेरा भला केहु मे परेला?
घर दुआर के सुख शान्ति छिनेला
इहे लुटावे रुपया इहें रगरा किनेला
एकरा से त अब काया रोएला
डरेरा से सरकार के खर्चा चलेला
ए बाबु डरेरा केहुमें ना परेला..!!!
     वकील बाबु के मुह से सुननी.....
जउन डरेरा पर खुरपी कुदाली लाठी चलेला
उहें डरेरा हमरा घरें खीलेला फुलेला फरेला,
जब जब डरेरा टुटेला पइसा फुल नीयन झरेला
साँच बात त ई ह सब डरेरवा त हमरे मे परेला....!!!
   

समाज मे फइलल खोट

लोग के मन उमरल पैर खीचे के खोट
पइसा मीले के चाही बस इनका मोट,,
अक्कील के आंधर मुह के फुहर समाज
बुध्धी बगैर सब पीछुआइल बा आज,,
काम काज दुसर दिन पर थोपलें काका
किस्मत के परल सायकील सें चापा,,
का करी रघुआ बेचारा बाबुजी के बगैर
कापी कलम सें बा उनका जनम के बैर,,
देखी किस्मत आउर केतना खेल खेली
बैरी पढ़ाइ कें लोग आउर केतना दुख झेली,,
नाही नाता हमसें समाज के कउनो लोग सें
बड़ा खुश होला लोग बबलु के वियोग सें...

चुटकुला हिन्दी में...

एक शायराना चुटकुला
वो बोले “महफिल में कहीं हमारे जूते खो गए अब हम घर कैसे जाएंगे?”
हमने कहा “आप शायरी शुरू कर दीजिए इतने आएंगे कि फिर गिन भी नहीं पाएंगे.”

लड़के और लड़की की बातएक लड़का रास्ते में चलते-चलते ठोकर खाकर गधे के सामने गिर गया.
उसी वक्त वहां से एक लड़की गुजर रही थी,
उसने लड़के को छेड़ते हुए कहा: अपने बड़े भाई का आशीर्वाद ले रहे हो क्या ?
लड़के ने जवाब दिया, आपने सही फरमाया भाभी जी.

शराबी चुटकुलासंता शराब पीकर लौटा,
और घर का ताला खोलने लगा, लेकिन हाथ कांपने की वजह से खोल नहीं पा रहा था.
बंता : ला दे यार, ताला मैं खोल देता हूं.
संता: ताला मैं खोल लूंगा, तू सिर्फ मकान पकड़ ले.

शादी का लड्डूपत्नी : आपको पता है, आपका दोस्त एक पागल लड़की से शादी करने जा रहा है.
पति : तो मैं क्या करूं.
पत्नी : अरे, आप उसे रोकेंगे नहीं?
पति : क्यों रोकूं?  उस साले ने मुझे रोका था क्या?